عزیزاللہ خان
بی بی سی اردو ڈاٹ کام، کوئٹہ
 
 
پاک فوج (فائل فوٹو)
حکومتی ترجمان نے سکیورٹی اہلکاروں کے زخمی ہونے کی تصدیق کی ہے
اطلاعات کے مطابق بلوچستان کے ضلع کوہلو میں کاہان کے قریب بارودی سرنگ کے دھماکے اور فائرنگ سے سکیورٹی فورسز کا ایک اہلکار ’ہلاک‘ جبکہ پانچ زخمی ہوگئے ہیں۔

مقامی لوگوں نے بتایا ہے کہ سکیورٹی فورسز کی گشتی ٹیم بارودی سرنگ کے زد میں آئی ہے جس کے بعد نا معلوم مسلح افراد نے فائرنگ بھی کی ہے جس سے ایک اہلکار ہلاک اور پانچ زخمی ہوگئے ہیں۔

لوگوں نے بتایا ہے کہ اس واقعہ کے بعد ہیلی کاپٹر موقع پر پہنچا ہے اور زخمیوں اور ہلاک ہونے والے اہلکار کو لے گیا ہے۔ صوبے کے وزیر داخلہ سے کوشش کے باوجود رابطہ نہیں ہو سکا ہے۔
بلوچستان کے مختلف علاقوں سے تشدد کی اطلاعات موصول ہوتی رہتی ہیں لیکن صوبائی وزیر داخلہ شعیب نوشیروانی پر الزام لگایا جاتا ہے کہ وہ رابطے میں نہیں آتے اور بلوچستان اسمبلی کے اجلاس میں بھی انہیں کم ہی دیکھا جاتا ہے۔
ادامه در :http://marzeporgohar.mihanblog.com/More-43.ASPX